طورطة الكريم باتيسيير بالفريز و البنان

السلام عليكم






طبعا الطرطات
هي اسهل و ابسط شي فالحلويات
و ممكن تزيينها باي شيء متوفر فالكوزينة،
و ليوم عملت هاد الطرطة البسيطة
فقولو بسم الله و قبلو على موجد

المقادير :





العجين :

250 غرام دقيق فورص
125 غرام زبدة
50 غرام سكر ( للي بغات العجينة حلوة تزيد )
رشة ملح
بيضة
1 ساشي خميرة الحلوة
1ساشي فاني


الحشو و التزيين :

نصف لتر حليب
2 معالق كبار بودرة كريم باتيسيير ( جاهزة)
سكر حسب الذوق انا عملت ملعقة كبيرة
فريز
بنان
2 معالق كبيرة ڭليكوز
2 معالق ماء دافي
ملعقة كبيرة ممسوحة سكر














الطريقة :




كنحضرو العجين المرمل :

فاناء كنخلطو الدقيق مع الزبدة (درجة حرارة المطبخ)
و نفتلوه حتى يترمل مزيان
و بعدها نضيفو عليهم خميرة الحلوة
و البيضة و رشة الملح و السكر و الفاني
و نعجنو الكل حتى يتجانس ،

انا خدمتها فالعجان حتى دلكها مزيـان






بعدها سرحتها بسمك 1 سنتيمتر
و فرشتها فمول مدهون
و قطعت الزائد
و تكيتها بالفرشيطة باش متنفخ




و دخلتها للفرن حتى طابت و كتاسبات لون ذهبي




لما قربت نخرجها من الفرن ، و جدت الكريم باتيسيير



كنعمل الجاهز بودة ،


2معالق كبيرة بودة كريم باتيسيير
دوبتها مع السكر و نصف لتر حليب





و درتها فوق عافية مهيلة







مع التحريك حتى عقدات

و لما طابت الفون ديال الطرطة




كبيت عليها كريمة الباتيسيير سخونة و خليتها تبرد


و دخلتها للثلاجة حتى جمدت الكريمة و ثبتت





و فهاذ الوقت حضرت الزينة :

قطعت الفريز و البنان شرائح رقيقة ،
و حضرت الڭليكوز
2 معالق كبيرة الڭليكوز
دوبتها مع ملعقة سكر
و 2 معالق ماء دافي


بعد مخرجت الطرطة من الثلاجة و عقدات الكريم باتيسيير




بديت فالتزيين من الخارج بالتجاه الداخل
طبعا كلا يزين على ذوقو و حسب المتوفر




بعد مكملت تستاف الفريز و البنان على وجه الطرطة

دهنتها بخليط الڭليكوز للي حضرت
باش تحافظ على شكلها و يعطيه المعان












التقديم :




و قدميها بالصحة و الراحة






ممكن تقدموها فنفس اليوم او حتى تبات و تتشبع النكهات

ان شاء الله تروقكم الوصفة

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته